2013年清境、台北自由行 – Day 2 (Part 1):震后上清境
今日系呢次旅程嘅重头戏,就系去清境。出发前一个星期呢度刚刚发生完6.3级地震,唔少专家话黎紧好大机会仲有余震。呢个时候仲上去,真系有D揾命搏,不过为旅行唔怕死嘅人唔只得我地。
朝早起身打开窗一睇…落雨。唔系挂,咁重要嘅日子黎落雨。
唔理咁多或者之后会好天。先落地下酒店餐厅食早餐,早餐味道麻麻,款式亦唔多,不过系免费嘅算系咁啦。
食完早餐之后返房攞行李check-out。因为怕有余震,唔敢自驾去清境,改为坐南投客运。所以check-out时将两件大行李寄存系台中公园智选假日酒店,等听日下午返黎先攞返。
南投客运嘅总站就系台中公园智选假日酒店旁边,虽然仲落紧雨但行过去都好方便。
由台中直接开往清境嘅班车每日有四班,暑假期间会开多三班。不过就算坐唔到直通车,都可以先坐去埔里,再转埔里至清境嘅客车。埔里车站地方好细,落车同上车系同一个位置,转车并唔麻烦。而且就算坐嘅系直通车,亦会系埔里车站停一阵,所以坐唔坐直通车其实分别不大。
南投客运系台中嘅总站(即系干城车站)地方其实好细,要坐车系下图右手边嘅counter买飞,当然亦可以用悠游卡。如果单买车票,只可以上车前买,冇得预售,如果买套票就可以提前买。
清境农场旅游套票包括台中至埔里来回车票、埔里至清境农场来回车票、国民宾馆至青青草原单程车票,同埋青青草原入园券一张,售价系NT$600。如果系平日,套票价格同分别购买车票和门券嘅价钱差别唔大,但如果系周末同假日,因为青青草原入园券嘅票价会比平日贵,所以买套要会比较抵。
车到啦,我地坐嘅系10:00果班直通车,不过上车嘅人加埋都只得十个,但系去到高铁台中站就好多人上车,最后成架车都坐满晒,原来唔理余震危险照样上清境嘅人唔只净得我地。
虽然今日个天天阴阴,但雨势慢慢减少,都算系好消息。
去到埔里站我地架车发生机件故障,需要换过另一架车,所以系呢度担误左半个钟时间。
离开埔里冇几耐就已经系山区,因为刚落完雨,空气好清新(虽然系车内感觉唔到)。
上清境嘅公路其实都唔窄,只系湾湾曲曲,但比较危险嘅系路上有好多大型车辆,尤其系一D工程车辆行驶。
可能因为今日天雨关系,山上嘅湿度比较大,上到山上见到嘅系白蒙蒙一片。
我地系清境嘅住宿book左清境香格里拉音乐城堡,不过由落车地点(国民宾馆)行过去超远,好在行左冇几耐见到佢嘅姐妹店香格里拉空中花园,原来可以系呢度坐顺风车过去清境香格里拉音乐城堡。
下图系由国民宾馆行去香格里拉空中花园嘅小路,想了解更多关于清境香格里拉音乐城堡同香格里拉空中花园交通位置嘅资料,可以参考:住@清境香格里拉音乐城堡。
本来系想系香格里拉空中花园坐佢地嘅车去清境香格里拉音乐城堡,但因为啱啱佢地有车车住客去清境农场,所以费事浪费时间走黎走去,我地决定先追埋车去清境农场玩左先。
等车期间系香格里拉空中花园周围影下相
等左一阵车到啦,上车去清境农场囉。
>> Day 2 未完,待续……
Related posts:
- 台北酒店推介(Part 1) – 西门町附近10间精选酒店住宿推荐
- 台北酒店推介(Part 2) – 台北车站附近10间精选酒店住宿推荐
- 台北中山区酒店推介
- 台北廉价住宿推介
- 台中酒店推介
- 台湾清境民宿推介
- 住@台北西门町薆悦酒店(inHouse Hotel)
- 住@台北西门町头等舱饭店(Airline Inn)
- 住@台北宝格利时尚旅馆(Burgary Hotel)
- 住@台北丹迪旅店-天津店(Dandy Hotel Tianjin)
- 住@台北馥敦饭店-复北馆(Fullerton Hotel North)
- 住@北投俩人旅店(Hotel Double One)
- 住@台中碧根行馆(Beacon Hotel)
- 住@台中公园智选假日酒店
- 住@清境香格里拉音乐城堡
- 台湾iTaiwan免费Wifi开放游客申请
- 如何申请台湾7-11 免费wifi帐号
- 2013年清境、台北自由行:
你好,我唸住一家三口(两大一小) , 小朋友4岁 , 想同佢去清境 , 如果同佢由台中坐客运车上去会唔会好辛苦 ? 请问你知唔知如果包车上去系咪会快好多架 ??
如果行李唔多, 都唔会好辛苦, 如果你地只带一个行李喼(或者可以再加一架BB车), 一个拿行李一个负责小朋友同BB车, 坐客运去并唔太麻烦.
如果包车去当然方便D, 时间亦一定快好多, 不过台湾的士司机都一样开得好快, 感觉有D怕.
系台中有好多的士司机都会问乘客包唔包车, 如果想包车, 可以系当地坐的士时等佢问你, 再睇情况决定包唔包.
谢谢你的回复
謝謝~因為我們也想寄存一晚,不想拿著大件行李上清境.
可以啊, 只要check-out時跟酒店職員講要寄存行李和預計取回時間就可以了, 不用收費的.
我這次去清境住一晚, 所以寄存了一晚, 早上check-out時寄存, 第二天下午取回.