2014年聖誕節北海道賞雪之旅(Day 6) – 札幌白色燈樹節
今日喺札幌嘅行程重點係夜晚去大通公園嘅札幌白色燈樹節，其餘時間主要都係行下街shopping。原本計劃咗上午會去札幌場外市場，不過因為天氣環境差，最後臨時縮沙冇去，轉戰有瓦遮頭嘅狸小路同地下街。
朝早起身做嘅第一件事，望下窗外天氣，今日麻麻地個天白蒙蒙。
今日都買張一日乘車券，但係因為唔係星期六、日，所以一日乘車券要830yen，比之前Day 2星期六買嘅一日乘車券貴咗310yen。其實今日搭車次數唔多，唔買一日券應該仲抵。
按照今日嘅行程planning，朝早係去札幌場外市場食魚生飯，所以買咗一日乘車券之後就坐地鐵去二十四軒站，由呢度行600米左右就會去到場外市場，不過一出地鐵站，見到路面啲積雪好厚，天氣又麻麻，所以決定都係唔去囉，留返下次先啦。
冇得食魚生飯，唯有到其他地方搵食，最後誤打誤撞喺大通公園旁邊嘅丸井今井百貨大通館10樓搵到呢間叫茶寮嘅食店。
喺食店可以望到成個大通公園同札幌電視塔
可以睇晒成個札幌白色燈樹節大通公園會場
街外面超凍
都係行有瓦遮頭嘅步行街
中途tea一tea
行完街返酒店休息下，夜晚就出動去大通公園嘅札幌白色燈樹節。
呢棵白色燈樹就係主角
會場上有好多木屋仔，主要係賣嘢嘅小商店。
仲有小食店
由於會場太多人行過，地下嘅雪都已經俾人踩成一塊溜冰場，行嘅時候要跣住咁行。
要睇晒大通公園札幌白色燈樹節會場全景，當然係上去高位，最合適嘅地方就係上去札幌電視塔。除咗行地面之外，地下街都有入口可以上到去電視塔。
先到3樓售票處買飛
上札幌電視塔嘅入場券費用係720yen，不過有好多渠道都有提供九折優惠，例如係當地旅遊中心可以攞到嘅coupon，隨街都可以攞到嘅一啲旅遊資料小冊子，甚至喺官網都可以列印九折優惠券。不過最抵用嘅都係呢個叫「札幌旅遊」嘅手機Apps裡面嘅折扣券，只要買飛果陣show呢個Apps裡面嘅札幌電視塔折扣券畫面，就可以用570yen購買原價720yen嘅成人入場券，折扣率超過八折。
買好飛就排隊搭lift上去展望台啦
平時上電視塔嘅人唔多，今晚比較多啲。
出面吹緊風雪，周圍白蒙蒙。
轉過頭，嘩，風雪停咗，即刻變返高清畫面，個景完全唔同晒。
上完札幌電視塔，行去簿野搵地方食今次旅程嘅最後晚餐。
最後一餐通常食得豪啲，所以去咗食かに将軍(蟹將軍)，去到要等位，不過等位嘅人之中，三分二係講廣東話，三分一講國語，食完總結：麻麻。
食完飯，終於要面對每次旅行最慘嘅時候，就係返酒店執行李裝喼，諗起都怕怕。
Day 6完，返回《2014年聖誕節北海道賞雪之旅》總目錄
相關文章：
如果喜歡這篇文章，請點個「讚」吧！