2014年環瀨戶內海自駕遊(Day 1) – 再到大阪
雖然由澳門飛大阪嘅航班時間好正，上午11點幾起飛，下午3點幾到，不過過完海關再入到市區通常都已經係5點幾，冇咩時間再安排行程，所以第一日一般只留係酒店附近行下街。
例牌Show返張航班相
出發當日澳門天氣麻麻，希望去到日本唔好係咁……
未到五一，機場唔係咁旺。
終於到關西空港啦，睇黎天氣唔差喎。
出發之前係南海電鐵官網睇到從關西空港到難波嘅特急ラピート(rapit)新票價比以前平左，普通席大人單程車票只係1,130yen。
先去南海電鐵售票處買車飛
買完飛行過對面等上車
今日只會係大阪住一晚，入住嘅酒店係一向住開嘅Cross Hotel Osaka，不過由於係日本黃金週，房價超貴，Semi-double房都要接近20,000yen一晚。
想睇詳細嘅酒店介紹，可以參考返呢篇住@大阪Cross Hotel Osaka。
Check-in完都已經就黎6點，趁個天仲未黑快D係心齋橋附近行下街。
從4月1日起日本將消費稅稅率由5%增加到8%，為左吸引旅客消費，心齋橋一帶唔少商店都向外國遊客提供5%折扣，只要賣單俾錢時出示護照就可以。
冇去一年今次去發現開左好多新食店，呢間係道頓堀叫大起水產嘅回轉壽司好明顯係專做遊客生意，矇盛盛撞左入去，果然唔得。
食完又再行下
今次仲行埋過去CPA，就係心齋橋大丸百貨對面馬路，旁邊就係日航大阪酒店。不過呢度唔係咁多人，唔啱行，最重要係呢度買嘢冇退稅，本黎睇啱個Samantha袋，不過冇得退稅都係放返低等去其他可以退到稅嘅地方先買啦。
雖然心齋橋係旅遊旺區，但係好多舖頭九點幾就關門，不過唔洗怕，仲有藥店未關門，呢兩間位於戎橋同大丸之間嘅藥店開到十點幾，而且紅色招牌呢間コクミン嘅價錢係區內算係比較平嘅一間，大部份商品都抵買過對面黃色招牌果間マツモトキヨシ。
行到十點幾仲未夠喉？可以去呢間位於戎橋筋嘅スギ薬局戎橋筋店，呢度嘅營運時間去到半夜12點。
從今年10月1號起係日本買藥物同化妝品都已經可以免稅啦，但就只限係有免稅店標誌嘅店舖買先有得退稅，上面幾間好似都唔退得稅，詳細D嘅介紹可以睇下呢篇十月一日起外國旅客購買日本藥妝、食品免徵消費稅。
咁夜仲未關門嘅除左藥店之外原來仲有呢間係道頓堀大阪松竹座對面嘅章魚燒，咁夜仲咁多人排隊一定係好嘢啦。
買返客返酒店做宵夜
仲有係超市買嘅士多啤梨同埋每次去日本必食嘅呢隻雞蛋布丁
第一晚只係買左少少嘢
– Day 1 完 –
返回遊記主目錄 >> 2014年環瀨戶內海自駕遊 – 序章
往年日本關西遊記：
明白，謝謝！
南海電鐵的特急ラピート總站就在難波, 如果你去心齋橋, 應該不需要轉車, 就在難波總站落車, 不過從難波去心齋橋還需要行一段路, 有少少辛苦. 不過就算轉坐地鐵也不會有太大幫助, 因為從難波站去心齋橋只有一個站, 坐地鐵反而麻煩.
請問我在關西機場搭特急ラピート到去心齊橋應在什麼轉車？謝謝！
唔會啊, 我今年5月在四國都係用ETC卡行高速公路, 而且係NEXCO西日本網站見唔到有四國不可以用ETC卡的通告. 會唔會係租車公司冇ETC卡借, 而唔係唔可以用ETC卡啊.
請問在四國自駕遊是否不可以用ETC咭？因有朋友最來在四國自駕遊時租車公司話唔可以用ETC咭，所以租車公司無比ETC咭佢。