初二開年媽閣廟參拜、澳門爆竹燃放區湊熱鬧

新春大年初二黎個新春行大運，先去新葡京8飲茶，然後去媽閣廟拜神求福，夜晚再到澳門區嘅爆竹燃放區湊下熱鬧，開年大吉。

中午先到新葡京8餐廳飲茶

飲完茶去一去多年冇去嘅媽閣廟拜神，好彩今日人唔算多

新徵頭唔少得買返個風車催下好運

澳門每年農曆新年期間都有六日可以燃放煙花爆竹，可能因為年年都有，所以燒炮仗對好多澳門人黎講並唔覺得有咩吸引，過去咁多年我都只係間中去過幾次，今年冇出外過年，趁得閒今晚都去湊下熱鬧。

澳門嘅爆竹煙花燃放區有兩個，一個係澳門半島，一個係氹仔，我地去嘅係澳門區嘅爆竹煙花燃放區，位於澳門旅遊塔附近。

前往澳門區爆竹煙花燃放區最近嘅走法，係坐巴士係澳門旅遊塔落車，然後步行500米左右，大約6-7分鐘就可以去到燃放區。如果你剛係永利或者MGM一帶玩完，可以好似我地咁由MGM果邊行過去，不過距離會比較遠D，從MGM正門起計，去到爆竹燃放區距離大約800幾米，要行10分鐘以上，如果從永利正門起計，距離大約1100米，步行要13-15分鐘。

我地從MGM旁邊嘅壹號湖畔行過去

沿住湖邊向旅遊塔方面行就啱

從永利或者MGM果邊行過去爆竹燃放區雖然比較遠左D，不過好處係可以一邊行一邊欣賞澳門夜景。

接近爆竹燃放區，周圍開始一片煙霧迷漫

澳門區嘅爆竹煙花燃放區佔地好大，不過只有八檔售賣煙花爆竹嘅攤檔同兩個小食攤檔，人流亦唔算好多。

燃放區同售賣區分開，從呢度入去就係燃放區

燃放區內睇嘅人多，放嘅人少

多得賭場豪客捧場，係爆竹煙花燃放區不時可以睇到大型煙花，比起官方嘅煙花比演真係不遑多讓。

– – – – – – – – – – – – – – – – – – – –

離開爆竹燃放區我們就過去澳門旅遊塔坐巴士離開，沿路遇到不少遊客問路，所以這裡補充介紹一下前往澳門爆竹煙花燃放區的方法。

澳門每年在農曆新年期間設置的爆竹煙花燃放區有兩個，分別位於澳門半島南灣區的澳門旅遊塔旁邊海傍，以及氹仔新世紀酒店旁邊的海傍。

如何前往澳門爆竹煙花燃放區

前往位於澳門南灣區的爆竹煙花燃放區，如果不是自已開車，可以先乘坐巴士到澳門旅遊塔下車，然後沿旁邊球場前面的路一直向舊大橋方向步行，大約步行500米，6-7分鐘就可以去到爆竹煙花燃放區。這條路線步行距離較短，以下圖片是路線沿途的相片。

澳門旅遊塔巴士站

下車後向海邊的球場方向走

見到鐵馬圍欄繼續向前走，這裡圍上圍欄的原因是這段小路不時正式道路，但只要穿過小路前面就是爆竹煙花燃放區。如果不想走這段小路捷徑，也可以走旁邊的正式道路，距離只多100米左右。

前往澳門旅遊塔的巴士如下：

1. 前往澳門旅遊塔

(A) 從關閘前往澳門旅遊塔 – 9A、18、

(B) 從新葡京前往澳門旅遊塔 – 9A、23、32

(C) 從外港碼頭前往澳門旅遊塔 – 32

(D) 從媽閣前往澳門旅遊塔 –18、26、MT4

(E) 從威尼斯人、銀河前往澳門旅遊塔 –MT4

2. 離開澳門旅遊塔

(a) 從澳門旅遊塔前往關閘 –9A、18

(b) 從澳門旅遊塔前往新葡京 –9A、23、32

(c) 從澳門旅遊塔前往外港碼頭 –坐32到高美士街再步行前往，或坐到23、32亞馬喇前地站轉3、3A、10A、10B、12、28A到外港碼頭

(d) 從澳門旅遊塔前往媽閣 –18、26、MT4

(e) 從澳門旅遊塔前往威尼斯人、銀河 –MT4(巴士站在旅遊塔西面)

另外，如果你亦可以從MGM或者永利方向步行前往，不過這條路線的步行距離會稍為遠一些。下面是前往澳門南灣區的爆竹煙花燃放區的三條步行路線圖。

在較大的地圖上查看前往澳門爆竹煙花燃放區的步行路線

– – – – – – – – – – – – – – – – – – – –

澳門爆竹煙花燃放區的開放時間通常由每年農曆年三十(或年廿九)中午開始，至年初六半夜結束，具體時間可以參考澳門民政總署網站的公布，今年爆竹煙花燃放區的開放時間可以參考這裡。

相關文章：

• 澳門格蘭披治大賽車
• 澳門國際煙花比賽匯演
• 澳門拉丁城區幻彩大巡遊
• 澳門酒店推介