2012年巴黎、倫敦雙城之旅 – Day 2：遊覽巴黎聖心堂

飛左13個鐘終於到達法國巴黎戴高樂機場，由於時差關係，雖然係香港起飛嘅時間係半夜一點，但到達法國嘅時候都只係上午七點幾，偷左六七個鐘。

降落啦，清晨嘅巴黎睇落天氣唔錯，起碼冇落雨啊。

因為只得我地一班機，入境旅客唔算多，又冇乜點問嘢，所以過海關都幾快。

攞行李嘅地方比較迫少少

我地本黎計劃先係入境大堂嘅information counter買定張Paris Museum Pass，不過入境大堂地方好細，旅客又多又迫，所以決定都係唔買住，去到景點先決定買唔買。

我地係巴黎住嘅酒店係巴黎歌劇院附近，坐機場巴士去最方便，見到呢個牌就係機場巴士RoissyBus嘅車站位置，車費每位10歐元，上車俾錢。

由兩個車卡組成嘅長巴士，轉彎好考司機功夫。車上面會有放行李嘅位置，但唔多，如果係比較後嘅站上車可能冇位放，要自己扶住行李。

由於朝早路上好少車，所以唔洗40分鐘就到達位於巴黎歌劇院旁邊嘅總站。

聽講巴黎嘅治安好差，估唔到一落巴士就見識到。係巴黎歌劇院周圍有好多吉普賽女人聚集，一見有遊客落車，就三四人一隊咁圍埋黎，其中一個扮係sell嘢，其他人就搵機會扒你D嘢，好彩我地發覺得快，不過佢地見失手之後都好淡定，當冇事咁行開就算，真係好猖狂，好彩佢地冇夾硬搶。

我地入住嘅Htel Cordelia Paris就係巴黎歌劇院附近，落左車行6-7分鐘就到。

下面俾幾張酒店嘅張片大家睇下，詳細嘅介紹同住宿評價可以睇返呢篇《住@巴黎Hotel Cordelia Paris》。

由於時間太早仲未可以check-in，我地係酒店放低行李之後就先出去玩，第一站就去聖心堂(SACRÉ-CŒUR)。

巴黎嘅地鐵站多數都冇扶手電梯，我地住果區雖然係巴黎主要購物區，但都只係個別地鐵站出入口有扶手電梯或者升降機，可惜比較近我地酒店嘅出入口要行樓梯。

坐地鐵之前先買返一set十張嘅地鐵車票先，想睇下關於巴黎地鐵車票嘅慳錢攻略同購票方法，可以參考呢篇《巴黎旅遊交通費慳錢攻略：如何使用自助售票機購買地鐵Ticket t+車票？》。

巴黎地鐵站就好似防空洞一樣，又長又窄。

聖心堂位於紅磨坊對上嘅小山丘，從Anvers地鐵站出口行出黎沿小路向上行就到，沿途全部都係賣紀念品嘅手信店。今日唔知係咪節日，係聖心堂周圍超多人，自從今朝係巴黎歌劇院附近差D俾吉普賽人扒嘢之後，係巴黎一遇到吉普賽人同黑人都驚驚地。

聖心堂起係山丘上面，要行好多級樓梯先上到去，如果唔想行樓梯，山丘左邊有纜車可以上去，可以用普通地鐵車票入閘。

聖心堂外園有唔少黑人攞住紀念品用死纏難打嘅方式向遊客兜售，好滋擾，雖然旁邊就有警察，但係警察好似唔多理，好彩呢D人唔敢進入聖心堂範圍，只要避開佢地入到聖心堂範圍感覺就安全得多。除左呢D用滋擾方式兜售紀念品嘅黑人之外，聖心堂周圍亦有唔少吉普賽女人，呢度佢地用嘅招數係扮募捐，其中一個女人攞住塊牌扮向你募捐，旁邊就有三四個係度伺機落手，驚驚。

係聖心堂可以望到巴黎全景，好靚。入去聖心堂唔需要俾錢，不過裡面唔可以影相。

今日可能係D咪節慶日子，係聖心堂周圍有個市集，有好多法國食品。

係巴黎第一餐就係聖心堂出面食法國生蠔，正。

仲有法國香腸包

從聖心堂返酒店之後已經可以check-in，安頓好就係附近嘅春天百貨同老佛爺百貨行下。

係春天百貨屋頂有個展望台，免費開放俾人上去，呢度樓層雖然唔高，但係由於巴黎D樓只係得幾層高，所以都可以睇到巴黎全景。

係老佛爺百貨Lafayette Gourmet有個好大嘅超市，我地呢幾日飲嘅水同日用品都係呢度買，而且超市裡面仲有供應食物嘅食店，今晚呢餐就係度食左餐法國海鮮。

– Day 2 完 –

Related posts:

• 倫敦通行證(London Pass)： 倫敦自由行必買！ – 如何購買倫敦通行證 (內附最新折扣代碼)
• 倫敦旅遊交通費慳錢攻略：應該購買 Oyster 還是 Travelcard？
• 倫敦景點門票“兩人同行一人價錢” (London Travelcard 2FOR1 Offers)
• 巴黎旅遊交通費慳錢攻略：如何使用自助售票機購買地鐵Ticket t+車票？
• 遊巴黎，Paris Pass與Museum Pass哪種更省錢？
• 如何購買歐洲之星(EuroStar)車票
• 住@巴黎Hotel Cordelia Paris
• 住@倫敦St Ermin’s Hotel – MGallery Collection
• 倫敦酒店推介
• 倫敦免費WiFi網絡
• 2012年巴黎、倫敦雙城之旅 – Day 1：飛向巴黎
• 2012年巴黎、倫敦雙城之旅 – Day 3：巴黎聖母院、羅浮宮、凱旋門
• 2012年巴黎、倫敦雙城之旅 – Day 4：凡爾賽宮、艾菲爾鐵塔、塞納河遊船河
• 2012年巴黎、倫敦雙城之旅 – Day 5：巴黎老佛爺百貨掃貨
• 2012年巴黎、倫敦雙城之旅 – Day 6：坐歐洲之星巴黎到倫敦
• 2012年巴黎、倫敦雙城之旅 – Day 7：盡用London Pass，一天遊覽西敏寺、泰晤士河、倫敦塔
• 2012年巴黎、倫敦雙城之旅 – Day 8：聖保羅大教堂、Covent Garden
• 2012年巴黎、倫敦雙城之旅 – Day 9：白金漢宮看禁衛軍換更
• 2012年巴黎、倫敦雙城之旅 – Day 10：大英博物館