2012年巴黎、倫敦雙城之旅 – Day 1：飛向巴黎

呢幾年雖然都去左唔少地方旅行，但來來去去都係日、韓、台，又或者星、馬、泰，2012年終於衝出亞洲，去到巴黎同倫敦呢兩個歐洲大都會見識下。今次嘅旅程只有10日時間，不過扣除左坐飛機嘅時間，查實只得9日，所以行程只係集中係巴黎同倫敦。

第一次到歐洲自由行，所以行程planning都花左唔少時間，尤其係搵酒店同plan交通方面。由於時間有限，今次行程選擇左由巴黎入倫敦走嘅行法，避免走回頭路浪費時間，而由巴黎到倫敦嘅交通，就乘坐左歐洲之星火車。

今次旅程嘅遊記拖左足足一年幾時間先的得起心機黎寫，不過係planning過程中累積嘅一D比較重要嘅經驗，就一早係旅行返黎之後寫成幾篇文章分享，包括：

• 倫敦通行證(London Pass)： 倫敦自由行必買！ – 如何購買倫敦通行證
• 倫敦旅遊交通費慳錢攻略：應該購買 Oyster 還是 Travelcard？
• 巴黎旅遊交通費慳錢攻略：如何使用自助售票機購買地鐵Ticket t+車票？
• 遊巴黎，Paris Pass 與 Paris Museum Pass哪種更省錢？
• 如何購買歐洲之星(EuroStar)車票
• Booking.com訂房教學

題外話：有關巴黎找廁所

在巴黎其中一樣最難搵找的地方是廁所，就算在大型百貨公司公司裡面廁所數量都有限，更何況在街上。不過如果好運見到有M記(麥當奴)，那麼裡面就一定有免費廁所，要好好利用，只可惜在巴黎街頭M記分佈並不密集，一定不會梗有一間在左近。要找巴黎M記位置，可以利用這個叫”Locator – Europe McDonald’s”的手機程式。

這個App的內置地圖的緩存資料在退出程式之後不會被清除，所以可以先在上到網的時候快速瀏覽一次，之後就算在不能上網的時候也可以用這個App在地圖上找到M記位置，不過美中不足的是這個App並沒有衛星定位功能。

– – – – – – – – – – – – – – – – – – – – – – – – – – – – – –

2012年巴黎、倫敦雙城之旅由2012年10月12日晚上開始，所以呢日其實應該忽略不計，不過呢日理論上都算係行程嘅Day 1。

我地坐嘅飛機係13號零晨由香港起飛嘅航班，所以要坐12號晚八點十五分嘅最後一班直接到香港機場嘅船，去到等三個鐘左右就上得機，仲可以退返八十蚊機場稅。

係香港機場先食定晚餐，今餐食嘅係翠華，不過點解開係機場入面嘅食店奉旨一定差過出面果D嘅呢？！

等上機

機艙內，從香港去巴黎要飛13個鐘，超辛苦！

座位上原來有叉電插座

係機上食下嘢又睇下戲咁，13個鐘其實又唔係太難過，不過係機上訓唔著呢樣就真係幾難頂。

– Day 1 完 –

Related posts:

• 倫敦通行證(London Pass)： 倫敦自由行必買！ – 如何購買倫敦通行證 (內附最新折扣代碼)
• 倫敦旅遊交通費慳錢攻略：應該購買 Oyster 還是 Travelcard？
• 倫敦景點門票“兩人同行一人價錢” (London Travelcard 2FOR1 Offers)
• 巴黎旅遊交通費慳錢攻略：如何使用自助售票機購買地鐵Ticket t+車票？
• 遊巴黎，Paris Pass與Museum Pass哪種更省錢？
• 如何購買歐洲之星(EuroStar)車票
• 住@巴黎Hotel Cordelia Paris
• 住@倫敦St Ermin’s Hotel – MGallery Collection
• 倫敦酒店推介
• 倫敦免費WiFi網絡
• 2012年巴黎、倫敦雙城之旅 – Day 2：遊覽巴黎聖心堂
• 2012年巴黎、倫敦雙城之旅 – Day 3：巴黎聖母院、羅浮宮、凱旋門
• 2012年巴黎、倫敦雙城之旅 – Day 4：凡爾賽宮、艾菲爾鐵塔、塞納河遊船河
• 2012年巴黎、倫敦雙城之旅 – Day 5：巴黎老佛爺百貨掃貨
• 2012年巴黎、倫敦雙城之旅 – Day 6：坐歐洲之星巴黎到倫敦
• 2012年巴黎、倫敦雙城之旅 – Day 7：盡用London Pass，一天遊覽西敏寺、泰晤士河、倫敦塔
• 2012年巴黎、倫敦雙城之旅 – Day 8：聖保羅大教堂、Covent Garden
• 2012年巴黎、倫敦雙城之旅 – Day 9：白金漢宮看禁衛軍換更
• 2012年巴黎、倫敦雙城之旅 – Day 10：大英博物館