2013年首爾賞楓自由行 – Day 6 (Part 2)：坐首爾機場火車去仁川機場，首爾再見了

離開昌德宮我地就返去明洞，打算再行多陣就坐酒店接駁巴士去首爾站坐火車到仁川機場。到首爾之後嘅第一餐食左鳳雛安東醬油粉絲雞，黎到最後一餐都係食返安東醬油粉絲雞，不過係同一條街斜對面呢間叫安東嘅舖食。

今次冇走辣，味道果然野味好多。

Hotel Skypark嘅住客可以用優惠價買到機場火車直通車嘅車票，車票原價要8,000韓圜，而優惠價只係6,700韓圜，比坐機場巴士平好多。

決定坐機場火車除左因為價錢仲平過巴士之外，亦係考慮左公路塞車嘅因素。而且Hotel Skypark有免費穿梭巴士車住客由酒店去首爾站，唔洗自己俾錢坐車去，又慳一筆。

我地係酒店大堂買左火車票之後已經同職員講我地要坐穿梭巴士去首爾站，D職員就叫我地坐係大堂等，到時會叫我地上車。但係到開車時間到左都唔見佢地通知，原來D職員掛住傾計，唔記得左我地等緊車，最後只有目送架穿梭巴士開走左。

好彩佢地都知係自己唔啱，幫我地叫左架停係酒店門口等客嘅的士載我地去首爾站，車費由佢地負責。真係塞翁失馬焉知非福，雖然坐唔到穿梭巴士而要改坐的士，但係穿梭巴士要按設定路線行被困係塞車嘅車龍之中，而我地架的士個司機就好醒目兜路避開塞車嘅路段，反而比穿梭巴士仲早到達首爾站。

係酒店買嘅果張係一張換票證，需要去到首爾站機場火車車站嘅B2層嘅Information Desk換成正式嘅車票，坐邊班車係換正式車票時先至決定。

離開車時間仲早，可以行過去樂天超市行下。

機場火車嘅直通車閘口亦設係B2層，入左閘要再坐電梯落去係B7層嘅月台。

車票並冇劃位，可以隨便坐。

車廂亦設有行李位

坐車冇野做食下嘢先

機場火車係仁川機場嘅車站距離機場大樓唔係好遠，係室內行5-6分鐘就到。

機場辦理退稅嘅counter，不過我地買嘢唔多，冇去攪退稅。

機場候機大堂

機場候機大堂亦有一間Hello Kitty Cafe

因為真航空嘅飛機餐冇咩好食，所以上機之前去食飽飽先。

準備上機啦

– Day 6 完，行程結束 –

相關文章：

• 首爾明洞酒店推介
• 2014年韓國首爾新酒店
• 住@首爾明洞天空花園酒店(Hotel Skypark Central Myeongdong Seoul)
• 住@首爾明洞王子酒店(Prince Hotel Seoul)
• 首爾免費無線上網 (Seoul Free WiFi)
• 2013年首爾賞楓自由行 – Day 1 (Part 1)：坐真航空澳門飛首爾
• 2013年首爾賞楓自由行 – Day 1 (Part 2)：夜遊清溪川首爾燈節
• 2013年首爾賞楓自由行 – Day 2 (Part 1)：土俗村人參雞、遊覽景福宮
• 2013年首爾賞楓自由行 – Day 2 (Part 2)：仁寺洞、平安道豬手
• 2013年首爾賞楓自由行 – Day 3 (Part 1)：南山公園睇紅葉
• 2013年首爾賞楓自由行 – Day 3 (Part 2)：巧遇首爾初雪
• 2013年首爾賞楓自由行 – Day 4 (Part 1)：德壽宮
• 2013年首爾賞楓自由行 – Day 4 (Part 2)：梨大、宏大、東大門批發市場
• 2013年首爾賞楓自由行 – Day 5 (Part 1)：廣藏市場、鷺梁津水產市場
• 2013年首爾賞楓自由行 – Day 5 (Part 2)：明洞購物、景福宮烤肉
• 2013年首爾賞楓自由行 – Day 6 (Part 1)：昌德宮秘院賞紅葉
• 2013年首爾賞楓自由行 – Day 6 (Part 2)：坐首爾機場火車去仁川機場，首爾再見了
• 2009年聖誕首爾之旅