2013年首爾賞楓自由行 – Day 5 (Part 1)：廣藏市場、鷺梁津水產市場

今日嘅行程主要去行街市，包括係東大門附近嘅廣藏市場，同埋係江南汝矣島附近嘅鷺梁津水產市場。

廣藏市場就係地鐵車站旁邊，當然我地唔係坐地鐵去，而係坐的士。廣藏市場分為唔同區域，有D賣日用品，有D賣衣物，最受歡迎嘅當然莫過於熟食區。

的士司機係南邊嘅入口放低我地，呢區係日用品區。

呢度有多間售賣韓國婚嫁禮品嘅店鋪

呢度仲有D賣砂煲罌罉嘅雜貨店，如果想買返D韓國銅煲返屋企，係呢度會有好多選擇。

之後黎到賣海鮮嘅濕貨區

終於黎到最受歡迎嘅熟食區，呢度有各式韓國小食，大部份都有地方可以坐低食。

呢度最出名係市場中間呢間綠豆餅

舊綠豆餅好大，一塊4000韓圜已經足夠兩個人食。

食完綠豆餅再係對面呢間食紅豆粥同南瓜粥，不過紅豆粥係咸嘅，食落味道怪怪地。

行完廣藏市場下一站係去鷺梁津水產市場，從江北去江南路程比較遠，坐的士費用都要萬幾韓圜。不過坐的士有度好處，就係可以直接去到鷺梁津水產市場嘅落貨區落車，唔洗行天橋過去。

鷺梁津水產市場地方濕立立，唔係咁好行，09年黎過一次，本來都唔想再黎，但係屋企人未黎過，當係見識下帶佢地黎一次。

黎到鷺梁津水產市場最主要嘅目的當然係食海鮮，不過我自己覺得韓國人唔係咁識烹調海鮮，雖然海鮮材料好新鮮，不過煮完之後味道麻麻，而且煮果陣又好求其，唔會俾D心機洗乾淨。09年黎完之後已經講過唔會再黎，今次為左陪家人免為其難，不過真係唔會再有第三次囉，食海鮮都係留返係日本。

呢餐並唔係食左好多嘢，買料用左七萬幾，餐廳service charge三萬幾，總數11萬韓圜，感覺唔多值。

– Day 5 未完，待續 –

相關文章：

• 首爾明洞酒店推介
• 2014年韓國首爾新酒店
• 住@首爾明洞天空花園酒店(Hotel Skypark Central Myeongdong Seoul)
• 住@首爾明洞王子酒店(Prince Hotel Seoul)
• 首爾免費無線上網 (Seoul Free WiFi)
• 2013年首爾賞楓自由行 – Day 1 (Part 1)：坐真航空澳門飛首爾
• 2013年首爾賞楓自由行 – Day 1 (Part 2)：夜遊清溪川首爾燈節
• 2013年首爾賞楓自由行 – Day 2 (Part 1)：土俗村人參雞、遊覽景福宮
• 2013年首爾賞楓自由行 – Day 2 (Part 2)：仁寺洞、平安道豬手
• 2013年首爾賞楓自由行 – Day 3 (Part 1)：南山公園睇紅葉
• 2013年首爾賞楓自由行 – Day 3 (Part 2)：巧遇首爾初雪
• 2013年首爾賞楓自由行 – Day 4 (Part 1)：德壽宮
• 2013年首爾賞楓自由行 – Day 4 (Part 2)：梨大、宏大、東大門批發市場
• 2013年首爾賞楓自由行 – Day 5 (Part 1)：廣藏市場、鷺梁津水產市場
• 2013年首爾賞楓自由行 – Day 5 (Part 2)：明洞購物、景福宮烤肉
• 2013年首爾賞楓自由行 – Day 6 (Part 1)：昌德宮秘院賞紅葉
• 2013年首爾賞楓自由行 – Day 6 (Part 2)：坐首爾機場火車去仁川機場，首爾再見了
• 2009年聖誕首爾之旅