2013年首爾賞楓自由行 – Day 4 (Part 2)：梨大、宏大、東大門批發市場

係市政廳廣場參觀完韓國農品展之後，我地繼續今日嘅行程去梨大。因為附近路面交通都比較塞車，我地決定坐地鐵過去。本來以為地鐵站就係地面底下，但原來下面係1號線車站，而去梨大要坐嘅2號線車站要行一段頗遠嘅距離先到。

地鐵站內

地鐵站內嘅長板凳有幾款公仔裝飾

從梨花女子大學站走出路面，感覺有D歐洲feel，沿地鐵站前呢條路向前行唔遠就係梨花女子大學。

呢度就係梨花女子大學，遊客都可以入去校園參觀影相，不過就入唔到去教學大樓裡面。

梨花女子大學前面嘅街道開左好多小店舖，當然絕大部份係賣女仔嘢。

離開梨大，下一站我地去到宏大。宏大同梨大之間距離都幾遠，所以我地坐的士過去。

呢條叫西橋路，前面就係宏大校園。

呢條叫未來路，有D似台中逢甲夜市。

呢間Hello Kitty Cafe係未來路中段一個小巷入面，入去見識下。

蛋糕除左有Hello Kitty造型之外，味道並冇咩特別之處。

Cafe裡面賣嘅Hello Kitty禮品

今晚呢餐食日本丸龜製麵

返酒店休息一陣之後，今晚仲有節目，就係去東大門嘅批發市場見識下。Hotel Skypark每晚都有免費穿梭巴士車住客去東大門，我地book左坐9點鐘出發嘅第一班車去。

穿梭巴士只係一部小巴，座位有限，所以一定要預先book位。

車上面除左我地之外其他全部都係日本人

因為演技差又冇做功課，唔識扮係攞貨嘅人，所以係批發市場齋睇冇買。

係批發市場買唔到嘢唯有去返做零售嘅Doota同Migliore商場

返酒店都可以坐酒店穿梭巴士，上車地點就係Migliore同Hello apM之間條內街，不過因為車細人多，要預早去排隊，但係天寒地凍要企街邊排隊等車都幾係嘢。

返到酒店又係宵夜時間

– Day 4 完 –

相關文章：

• 首爾明洞酒店推介
• 2014年韓國首爾新酒店
• 住@首爾明洞天空花園酒店(Hotel Skypark Central Myeongdong Seoul)
• 住@首爾明洞王子酒店(Prince Hotel Seoul)
• 首爾免費無線上網 (Seoul Free WiFi)
• 2013年首爾賞楓自由行 – Day 1 (Part 1)：坐真航空澳門飛首爾
• 2013年首爾賞楓自由行 – Day 1 (Part 2)：夜遊清溪川首爾燈節
• 2013年首爾賞楓自由行 – Day 2 (Part 1)：土俗村人參雞、遊覽景福宮
• 2013年首爾賞楓自由行 – Day 2 (Part 2)：仁寺洞、平安道豬手
• 2013年首爾賞楓自由行 – Day 3 (Part 1)：南山公園睇紅葉
• 2013年首爾賞楓自由行 – Day 3 (Part 2)：巧遇首爾初雪
• 2013年首爾賞楓自由行 – Day 4 (Part 1)：德壽宮
• 2013年首爾賞楓自由行 – Day 4 (Part 2)：梨大、宏大、東大門批發市場
• 2013年首爾賞楓自由行 – Day 5 (Part 1)：廣藏市場、鷺梁津水產市場
• 2013年首爾賞楓自由行 – Day 5 (Part 2)：明洞購物、景福宮烤肉
• 2013年首爾賞楓自由行 – Day 6 (Part 1)：昌德宮秘院賞紅葉
• 2013年首爾賞楓自由行 – Day 6 (Part 2)：坐首爾機場火車去仁川機場，首爾再見了
• 2009年聖誕首爾之旅