2013年首爾賞楓自由行 – Day 2 (Part 2)：仁寺洞、平安道豬手

離開景福宮我地下一站去仁寺洞，其實由景福宮步行10分鐘就可以去到仁寺洞，不過我地都選擇坐的士，冇跳表車費3000韓圜。

仁寺洞街嘅街頭

呢間位於仁寺洞街中段Ssamziegil商場地下入口嘅舖頭賣嘅紅豆餅好好味

因為聽講星期日嘅仁寺洞比平日熱鬧，所以行程編排上專登選擇今日去。

韓國人好鍾意食呢D煎餅，餡料有咸有甜，呢間路邊攤賣嘅係甜嘅，好多韓國人排隊，我地跟住排，排左成四個字先買到，不過真係好好味。

係塔洞公園附近每日都有人係度跳民族舞，仲會拉埋D遊客一齊玩。

行完仁寺洞先坐的士返酒店抖抖回一回氣先，順便睇下酒店幫我地換左另一個間房未。

登登登~~~ 呢間就係新換嘅double room，同尋晚果間比真係正好多，唔單止面積大左，最緊要有個大窗，晒到太陽之外仲可以望到街景。

想睇多D酒店房嘅介紹，可以睇返呢篇住@首爾明洞天空花園酒店(Hotel Skypark Central Myeongdong Seoul)。

係酒店休息一陣，先係明洞行下，掃下D街邊小食。

晚餐就去東大門附近嘅平安道豬水店食豬手，09年嘅首爾之旅本黎都想去呢間平安道，但係搵唔到，最後去另一間。其實平安道就係我地上次食果間舖嘅隔離，不過間舖係凹左入去嘅巷裡面，上次冇行入去所以搵唔到。

呢日係附近豬手店食嘢嘅人唔多，大街外面嘅豬手店都冇咩人係裡面，但係呢間平安道就坐滿食客，果然名不虛傳。

唔敢影人，只有影下牆。

係首爾有遊客到嘅店舖例必有講普通話嘅服務員，呢度亦不例外，所以點菜冇難度。係呢度獨孤一味只有豬手，唯一分別只係size，有小、中、大、特大，我地四個人點左大嘅，份量啱啱好。

食完豬手見就係東大門附近，所以順便去行下。

– Day 2 完 –

相關文章：

• 首爾明洞酒店推介
• 2014年韓國首爾新酒店
• 住@首爾明洞天空花園酒店(Hotel Skypark Central Myeongdong Seoul)
• 住@首爾明洞王子酒店(Prince Hotel Seoul)
• 首爾免費無線上網 (Seoul Free WiFi)
• 2013年首爾賞楓自由行 – Day 1 (Part 1)：坐真航空澳門飛首爾
• 2013年首爾賞楓自由行 – Day 1 (Part 2)：夜遊清溪川首爾燈節
• 2013年首爾賞楓自由行 – Day 2 (Part 1)：土俗村人參雞、遊覽景福宮
• 2013年首爾賞楓自由行 – Day 2 (Part 2)：仁寺洞、平安道豬手
• 2013年首爾賞楓自由行 – Day 3 (Part 1)：南山公園睇紅葉
• 2013年首爾賞楓自由行 – Day 3 (Part 2)：巧遇首爾初雪
• 2013年首爾賞楓自由行 – Day 4 (Part 1)：德壽宮
• 2013年首爾賞楓自由行 – Day 4 (Part 2)：梨大、宏大、東大門批發市場
• 2013年首爾賞楓自由行 – Day 5 (Part 1)：廣藏市場、鷺梁津水產市場
• 2013年首爾賞楓自由行 – Day 5 (Part 2)：明洞購物、景福宮烤肉
• 2013年首爾賞楓自由行 – Day 6 (Part 1)：昌德宮秘院賞紅葉
• 2013年首爾賞楓自由行 – Day 6 (Part 2)：坐首爾機場火車去仁川機場，首爾再見了
• 2009年聖誕首爾之旅