2013年清境、台北自由行 – Day 4 (Part 2)：上引水產
上引水產分為幾個唔同區域，雖然地方都唔細，但係由於今日遊客實在太多，所以場內顯得非常之擠迫。一進入上引水產見到嘅係由好多個水池組成嘅活海鮮銷售區，不過呢度並唔係遊客重點參觀嘅地方，所以人唔算太多。
水池旁邊嘅貨架上陳列左各式海鮮魚生，都係可以即時生食，不過價錢並唔係平。
離開左活海鮮銷售區，上幾級樓梯之後就係超市區，同一般超市嘅食品部差唔多，有各種生果蔬菜，當然亦有已經包好嘅壽司、魚生可以買黎食。
上引水產最受歡迎嘅係場內兩間食店，一間係食海鮮拼盤嘅快意鮮味吧，另一間係食壽司、魚生嘅立吞。當日嘅人實在太多，尤其係立吞，起碼要等一個鐘先有位。由於快意鮮味吧嘅流轉率比較快，所以我地同時係兩間取左籌仔，先係快意鮮味吧食左個海鮮拼盤，食完之後時間啱啱好，等一陣立吞嘅籌仔就到我地入座。
快意鮮味吧提供海鮮拼盤，呢度一樣都係冇位坐，全程企係度食。
我地只係要左一個標準set，有一隻鮑魚、兩隻生蠔、蟹腳等等，仲有沙律前菜，不過飲品另計。
顧名思義，立吞係一間立食壽司店，店面設係上引水產市場嘅中央，地方唔大企位唔多，所以要等較長時間先有位。
我地嘅Order
係上引水產停留左三個幾鐘，走嘅時候我地坐的士返去捷運站，不過呢個時候落起雨黎，所以只可以去信義區市政府站附近行下百貨公司同商場。
呢日係端午節正日，循例都要食下粽應節，所以行完百貨公司，我地就去左永康街鼎泰豐。新嘅捷運線開左之後係東門站5號出口行出黎就係永康街，好方便，只可惜呢條線唔可以直接到西門町，要轉車比較麻煩。
講黎奇怪，有幾次去台灣都撞正係端午節，呢次已經係第三次係呢間鼎泰豐食粽過節。
食完粽再入去永康街呢間維格買手信
當然亦都一定要幫襯呢間誠記嘅蔥抓餅啦，超好味
。不過因為啱啱食完嘢冇肚食，唯有攞返酒店食。
返酒店食嘅點心 – 蔥抓餅+楊桃冰
落雨天唯一可做嘅只有去睇戲，原來今日係超人：鋼鐵英雄上畫嘅第一日，台灣同美國同步上畫，澳門要等多半個月先有得睇。今次選擇去國賓戲院睇。
– Day 4 完 –
Related posts:
- 台北酒店推介(Part 1) – 西門町附近10間精選酒店住宿推薦
- 台北酒店推介(Part 2) – 台北車站附近10間精選酒店住宿推薦
- 台北中山區酒店推介
- 台北廉價住宿推介
- 台中酒店推介
- 台灣清境民宿推介
- 住@台北西門町薆悅酒店(inHouse Hotel)
- 住@台北西門町頭等艙飯店(Airline Inn)
- 住@台北寶格利時尚旅館(Burgary Hotel)
- 住@台北丹迪旅店-天津店(Dandy Hotel Tianjin)
- 住@台北馥敦飯店-復北館(Fullerton Hotel North)
- 住@北投倆人旅店(Hotel Double One)
- 住@台中碧根行館(Beacon Hotel)
- 住@台中公園智選假日酒店
- 住@清境香格里拉音樂城堡
- 台灣iTaiwan免費Wifi開放遊客申請
- 如何申請台灣7-11 免費wifi帳號
- 2013年清境、台北自由行：
如果喜歡這篇文章，請點個「讚」吧！