2013年清境、台北自由行 – Day 3 (Part 3)：台北西門町
同上年一樣，今次係台北都係入住西門町嘅薆悅酒店(inHouse Hotel)，不過今次被安排入住嘅房間係位於最低層嘅三樓，景觀當然唔太理想。另外，今次亦發現原來inHouse Hotel嘅隔音唔係咁好，第一晚樓上間房成班人玩到好夜都唔散，嘈到差唔多兩三點。
坐高鐵由台中到台北大約一個鐘，到台北火車站之後當然先坐的士去酒店。雖然薆悅酒店已經開左一段日子，不過的士司機仍然唔知係邊。
今次入住嘅係最低層，即係三樓嘅308號房，房間面向西寧南路，由於樓層低，所以景觀麻麻，而且落地玻璃窗外正好係酒店招牌位置，只好整日拉埋窗簾。
房間嘅style同上次住嘅一樣，只係因為間隔有D唔同，所以佈置亦有唔同。不過感覺上呢間房嘅面積比上次住嘅907細左D。
今次入住發覺薆悅酒店嘅隔音並唔係太得，第一晚俾樓上嘈到訓唔到，上次冇遇到呢個問題可能係因為九樓係頂樓。
早餐券，另外仲送左兩張免費咖啡券。
inHouse Hotel對面呢間「阿曼TIT」大樓上年黎果陣仲起緊，今年已經落成，呢座大樓上層係高級住宿，底下幾層係商場，主要售賣手機同電子產品，亦有一D食店。
今日台北天氣麻麻，所以只係打算係西門町行下，唔去其他地方啦。
因為早幾日幫朋友訂左西門町丰居旅店(Via Hotel)，所以趁今日冇咩做就幫佢搵定酒店位置，順便上去睇睇環境。丰居旅店係Agoda同TripAdvisor上嘅住客評價都唔錯，所以亦係我係台北西門町酒店推介中推介嘅酒店之一。
丰居旅店嘅位置真係好好，係正西門町中心，而且超近捷運西門站，不過位置比較唔顯眼，而且街上亦冇指示牌，所以可能會比較難搵。丰居旅店位於中華路一段同漢中路之間一條小巷裡面，如果從漢中路呢邊去，係 Uniqlo對面嘅7-11便行店行入去小巷就係。
行入小巷冇幾遠會見呢間賣衫嘅商場仔，丰居旅店(Via Hotel)就藏係裡面啦。
旅館係大廈二樓，有專用升降機上去。
旅館地方細細，不過裝修佈置唔錯。本黎我地都想book丰居旅店，可惜果幾日都fuLl晒，冇機會試住。因為唔係住客，所以只影到大堂照片。
小巷係中華路一段嘅入口
除左丰居旅店之外，以下呢間永安棧(Westgate Hotel)都好想住，不過我地係台北果幾日都一樣係冇房。永安棧係2012年尾先開業，都係走時尚型格路線嘅精品酒店，而且位置就係正捷運西門站6號出口旁邊，超方便，不過價錢方面就稍貴少少。
呢晚晚餐去左「阿曼TIT」大樓上嘅日本餐廳麻布茶房食，呢間餐廳係日本未去過，反而係台灣有機會試。
我地食左一個牛肉丼同一個蟹肉丼，味道唔錯。
食完飯之後仲叫左兩個甜品，左邊嘅係紅豆燒蕃薯雪糕，超正，不可不食，右邊嘅紅豆湯亦都好好味。
– Day 3 完 –
Related posts:
- 台北酒店推介(Part 1) – 西門町附近10間精選酒店住宿推薦
- 台北酒店推介(Part 2) – 台北車站附近10間精選酒店住宿推薦
- 台北中山區酒店推介
- 台北廉價住宿推介
- 台中酒店推介
- 台灣清境民宿推介
- 住@台北西門町薆悅酒店(inHouse Hotel)
- 住@台北西門町頭等艙飯店(Airline Inn)
- 住@台北寶格利時尚旅館(Burgary Hotel)
- 住@台北丹迪旅店-天津店(Dandy Hotel Tianjin)
- 住@台北馥敦飯店-復北館(Fullerton Hotel North)
- 住@北投倆人旅店(Hotel Double One)
- 住@台中碧根行館(Beacon Hotel)
- 住@台中公園智選假日酒店
- 住@清境香格里拉音樂城堡
- 台灣iTaiwan免費Wifi開放遊客申請
- 如何申請台灣7-11 免費wifi帳號
- 2013年清境、台北自由行：
呢間Via Hotel真係好難搵,初初以為佢係鴨肉扁果條街,但係地毯式搵左兩次都唔見,轉左幾圈先知原來中間有條巷. 不過間酒店都幾OK,的的式式感覺都幾有home feel.