2013年清境、台北自由行 – Day 2 (Part 2)：清境農場數綿羊
上回講到我地係香格里拉空中花園坐佢地嘅順風車去清境農場。清境全境都係山地，除左有一條沿山邊而建嘅公路之外，其餘都係山間小路，而且各處之間嘅距離絕對唔近。所以有架車會方便好多，如果唔係真係行都行死。
香格里拉空中花園個哥哥仔目送我地落車之後就自己返去啦，當然回程係冇得接返架，點樣返去就自己諗掂佢。
農場門口旁邊有個售票處，我地係南投客運已經買左包括清境農場入場券嘅套票，所以唔需要另外再買飛。
清境農場分為青青草原同觀山牧區兩個園區，我地落車地點係青青草原嘅北邊入口。
因為青青草原同觀山牧區之間係分開，遊覽完青青草原之後要離開園區再從另一個入口進入觀山牧區，所以需要係手背上蓋返個印證明你已經買左飛。
顧名思義，青青草原就係一片大草地，不過因為呢度係山地，所以唔係一望無際嘅草原，而係山坡上嘅草地。
首先去入口附近嘅綿羊城堡。
山上嘅天氣真係變幻莫測，轉下眼周圍已經被濃霧遮蔽，不過好快又散晒。
綿羊城堡展示綿羊嘅生活情況，不過周圍有好大臭味。
青青草原面積唔算好大，離開綿羊城堡無幾遠就係綿羊秀嘅表演場地。
時間夾得啱啱好，行到黎個show正準備開始。開show之前會放D綿羊周圍走，等大家可以近距離影下相，親近下佢地，不過佢地D體味真係……
開show啦。個show分為兩部份，第一part係牧羊犬趕綿羊，跟住第二part係剪羊毛。另外仲有D請現場觀眾上去玩嘅娛興節目。
完show之後，D綿羊又可以通山走啦。
>> Day 2 未完，待續……
Related posts:
- 台北酒店推介(Part 1) – 西門町附近10間精選酒店住宿推薦
- 台北酒店推介(Part 2) – 台北車站附近10間精選酒店住宿推薦
- 台北中山區酒店推介
- 台北廉價住宿推介
- 台中酒店推介
- 台灣清境民宿推介
- 住@台北西門町薆悅酒店(inHouse Hotel)
- 住@台北西門町頭等艙飯店(Airline Inn)
- 住@台北寶格利時尚旅館(Burgary Hotel)
- 住@台北丹迪旅店-天津店(Dandy Hotel Tianjin)
- 住@台北馥敦飯店-復北館(Fullerton Hotel North)
- 住@北投倆人旅店(Hotel Double One)
- 住@台中碧根行館(Beacon Hotel)
- 住@台中公園智選假日酒店
- 住@清境香格里拉音樂城堡
- 台灣iTaiwan免費Wifi開放遊客申請
- 如何申請台灣7-11 免費wifi帳號
- 2013年清境、台北自由行：
謝謝回覆！
吾好意思…你仲記吾記得清境農場你地行左幾耐？
我地係清境農場total用左大約2.5小時, 其中係青青草原用左大約80分鐘, 包括睇左個綿羊show, 另外係青青草原同觀山牧場之間有個小食區, 係呢度食野再加埋係觀山牧場行左一圈用左約1小時, 不過係觀山牧場冇睇show.