2012年雙颱風夾擊下的台灣之旅(Day 6 – 旅程完結)
終於黎到旅程最後一日，今日嘅主要任務，係買手信，因為好多食物只可以keep幾日，所以一定要等到上機前呢日先可以買。航空公司早一日打黎話飛機延遲，要到晚上7點先起飛，即係仲有大半日時間可以用。
今日嘅早餐食鴨肉扁，其實我對佢嘅鵝肉唔係太大興趣，反而覺得佢碗米粉好有口感。
食完再去飲杯白苦瓜汁解下毒。
跟住行過去港記買第一批手信，之後返酒店check-out同寄存行李。
遊行？
跟住再次去永康街，呢度起緊捷運站，遲D有捷運黎到方便好多。
第二批手信係去醉的小品買醉土雞，不過其實味道只係一般，同普通醉雞冇咩分別。
跟住去永康街食蔥抓餅，呢間誠記嘅蔥抓餅真係好好味架，每次去台北都會專登去食。
之後再行去信遠齋，旅遊書介紹佢嘅燻雞好出名，但睇樣一般，最後買左一D黎試下，味道果然只係一般。
最後又返返西門町買最後一樣手信。
今日係星期六，天氣又放晴，西門町人流明顯多過早兩日好多。
洗唔洗咁多人？原來係拍緊戲。
最後食埋楊桃冰，係時候出發去機場啦。
桃園機場
侯機大樓
因為飛機餐太難食，上機前食定嘢先。
– Day 6 完，旅程結束 –
是啊, 我一向都不太喜歡吃蔥抓餅, 只有這間一試難忘.
蔥抓餅超級好吃