2011年沖繩快閃觀禮之旅(Day 4 –Outlet Mall Ashibinaa)

終於去到旅程last day啦，今日會坐下午3點嘅飛機經香港返澳門，仲有半日可以利用，呢半日去邊好，當然係上機前最後沖刺啦，就係去那霸機場附近嘅Outlet Mall Ashibinaa囉。

由恩納去Outlet Mall Ashibinaa行高速公路45分鐘就可以到，不過因為我地心大心細，仲想去一去國際通買第一日冇買到嘅一樣嘢，所以攪到係那霸遇著塞車，最後國際通去唔成不特止，仲令到係Outlet shopping嘅時間少左成個鐘。

Outlet Mall Ashibinaa係那霸空港南面嘅一個島仔上面，去那霸空港只需要15分鐘時間，不過附近都幾塞車，所以最好預鬆D時間。Outlet Mall Ashibinaa亦設有免費穿梭巴士來往那霸空港。

自駕遊參考：

Outlet Mall Ashibinaa Tel.: 098-891-6000 | Mapcode: 232 544 486

在較大的地圖上查看2011年沖繩自駕之旅行車路線和景點位置

Outlet對於我黎講吸引唔大，所以趁住大家shopping之際我就去左搵油站入定油準備還車。最近Outlet Mall Ashibinaa嘅油站，係距離600米左右嘅一間ENEOS油站。我地行左兩日半，兩架七人車加埋都只係用左8,800円油。

自駕遊參考：

Outlet Mall Ashibinaa附近的ENEOS加油站Mapcode: 232 543 502

係Outlet Mall Ashibinaa掃完貨之後，今次短短4日嘅旅程真係要結束啦。我地先將乘客同行李車去那霸機場國際線大樓。

自駕遊參考：

那霸機場國際線大樓Mapcode: 33 123 518

落完客之後由司機負責開去機場附近嘅萬士得租車店那霸第二空港前店還車，租車站距離機場大約2.5公里。除左萬士得之外，Toyoto、日產呢幾間大廠嘅租車店都集中係呢條街上。

不過係沖繩最大嘅租車公司返而唔係呢幾間大公司，而係OTS同ORIX，佢地最近機場嘅租車店係位於Outlet Mall Ashibinaa附近果間ENEOS油站隔離，可能因為佢地嘅店舖面積實際太大，只有果區先可以容納得到。

還車之後租車店用佢地嘅車載我地返去機場，不過就算冇車，都可以坐單軌火車，一個站就到那霸空港架啦。

完結前再講下那霸空港嘅國際線大樓，第一日都講過，呢度真係超細，只得一個離境候機室，同一時間只可以處理一個航班，所以可以唔洗提早兩個鐘咁早到，提前一個鐘至個半鐘都已經足夠。如果早到，check-in完都唔好咁早入閘，因為入面只得個候機室，冇地方行亦冇嘢買，所以check-in完可以行過去國內線大樓果邊食嘢或者再買D手信。

– Day 4 完，旅程完結 –