2012年京阪之旅(Day 4[上篇] – 有馬溫泉)

今日一早起身，先去浸多次溫泉，之後就去食早餐。

食完早餐，9點半左右就Check-out走人啦。因為仲要去溫泉街行下，所以將行李放上車度先，架車繼續泊係有馬温泉 御幸荘 花結び個停車場，我地就由小路步行去溫泉街。

圖中藍色線就係我地步行路線。

因為沿途都有景點，所以行行下唔覺好遠，好快就去到溫泉街啦。

行冇幾耐就見到個炭酸泉源公園，應該係其中一個溫泉眼黎架，不過冇咩睇。

再行一段就係一間叫極樂寺嘅寺院

另一個泉眼，不過好似冇出水嘅。

呢個係紀念第一個開發有馬溫泉嘅人 – 行基和尚嘅紀念像

再行

就會見到銀之湯，可以俾錢入去浸溫泉架

之後就到溫泉寺，呢度應該有櫻花架，不過仲未開囉。

係溫泉寺旁邊有條石級，行上去就係溫泉神社，冇力行，冇上到去

過左溫泉寺有兩條路，我地行右邊條路，可以去到有馬町嘅一D小舖頭。

之後就會去到有馬玩具博物館同佢出面嘅足湯場，

路口左邊係金之湯，同銀之湯一樣，都係可以俾錢入去浸溫泉

右邊經過呢間好古式古香嘅旅館，穿出去就到大街啦。

大銜上嘅阪急巴士有馬案內所，如果由大阪坐巴士過黎，就係呢度落車。

條街其實好短，只有十間八間手信店

再過去就係六甲川

有馬溫泉街地方唔大，唔洗個半鐘已經行晒，買埋手信我地就離開有馬溫泉返大阪啦。今次行高速公路，唔洗一個鐘已經去到心齋橋。

To be continued……