由釜山嘅西部巴士總站去鎮海，車程大約個半鐘，沿途嘅公路旁邊種咗好多櫻花樹，而且越接近鎮海密度就越大。入到鎮海，大街小巷所見嘅都係櫻花，真係有D懷疑呢個城市除咗櫻花樹之外，仲有冇種其他樹木？！

除咗日本之外，韓國係第二個熱門嘅賞櫻地方。韓國雖然面積唔大，但南北地區櫻花嘅開花時間有一定差距，所以如果想喺短短七、八日嘅旅程中既睇到首爾盛開嘅櫻花，又見到釜山嘅櫻花滿開，真係有D難度。所以今年(2015年)復活節嘅韓國首爾+釜山賞櫻之旅，只能作出取捨。