睇完青青草原嘅綿羊秀之後，我地順路行過去觀山牧場。青青草原同觀山牧場唔係連埋一齊，所以先由南邊出口離開青青草原，再由觀山牧場北邊入口進入。

上回講到我地係香格里拉空中花園坐佢地嘅順風車去清境農場。清境全境都係山地，除左有一條沿山邊而建嘅公路之外，其餘都係山間小路，而且各處之間嘅距離絕對唔近。所以有架車會方便好多，如果唔係真係行都行死。