好快又到左旅程最後一日，今日又係好晏起身。雖然丹迪旅店有包早餐，不過我地今日要去食小籠包，所以唔係旅店食。我地先攪左check-out，將行李寄存同埋拜託旅店幫我地接收李儀餅店送黎嘅手信之後，就由丹迪旅店直接坐的士去永康街鼎泰豐。

去到西門町都係食下繼光雞、阿宗麵線呢D小食，跟住又周圍行下咁。不過因為雨太大，唔係咁想係條街行，所以選擇左去戲院睇返套戲。

因為係山上而且又落雨嘅關係，呢一晚訓得好舒服，訓左足足12小時。因為尋晚領教過佢嘅食物，所以今朝都唔敢再去食旅館嘅早餐。起身之後再浸多次溫泉，大約11點就check-out走人。因為未食早餐，所以返到烏來老街之後，我地先去搵地方食嘢。按照旅遊書介紹，我地去左泰雅婆婆美食店。

打完電話去旅館之後5分鐘，三好米溫泉會館架私家車就黎到約定地點接我地，架車車身有三好米字眼，好易認得出。 三好米溫泉會館座落係山上嘅環山路旁，可以居高臨下望見南勢溪，由烏來老街坐車去只需大約5分鐘車程。

勇士廣場就係烏來南勢溪旁邊，對岸就係烏來瀑布，而瀑布上面嘅山頂就係雲仙樂園。勇士廣場地方好細，係呢度唯一景點就係睇烏來瀑布，可能因為有雨落，所以瀑布水量都幾豐富，幾有氣勢。

從烏來公車總站向前行大約150米就係烏來老街入口，街口有一間全家便利店。由全家便利店轉入去，過左呢條橋就係烏來老街啦。烏來老街大約只有100米左右，街道兩邊集中左好多食店、小食檔、手信店同埋平價溫泉旅館。

今日會由台北去烏來，因為唔洗趕時間，所以打算11點先chech-out。丹迪旅店嘅房租係包埋早餐架，所以起身之後先落地下飯廳食早餐。早餐係自助餐形式，不過食物只有幾款，味道過得去咁啦。因為第三晚會再返丹迪旅店住多晚，所以我地將大件行李寄存係旅店，只帶少少嘢入去烏來。

今年以黎最中意嘅電影係阿凡達，只可惜澳門冇3D影院，只係睇左2D。所以今次到台北其中一個節目就係去睇返次阿凡達3D。上網搵過資料，原來台北美麗華影城嘅iMax影院係東南亞最大嘅，所以一於就去見識下。

介紹完酒店，係時候寫返第一日嘅行程。我地將行李寄存係旅店之後，就即刻出發去食午餐。之前睇天氣報告話台北有雨，但係呢一日就不知幾好天，仲有太陽添，以為好正啦，點知之後就. . . . .日日落雨。

由澳門去台北唔洗兩小時機程，因為當時冇其他機降落，冇其他旅客爭，所以話咁快就入左境，可以即時去坐機場巴士入市區。因為要係台北車站坐的士去丹迪旅店，所以今次都係選擇坐國光巴士。雖然由桃園機場去台北車站嘅機場巴士會駛經丹迪旅店中山店附近，不過因為唔係咁熟路，為免麻煩所以都係選擇去到台北車站總站落車。

終於黎到旅程最後一日，因為坐黃昏機，所以都仲有大半日時間可以出去行下。朝早起左梳洗完先執埋行李check-out先，然後將行李寄存係酒店，再請酒店同我地接收李儀餅家會係中午時送到嘅手信。 一切安排好之後出發去忠孝敦化嘅度小月食嘢。

雖然係基隆夜市食左唔少嘢，不過坐左成個鐘火車返到台北之後，開始有D肚餓，所以都係要食返D正式嘅晚餐。於是決定照旅遊書介紹，去左捷運中山站附近嘅肥前屋食鰻魚飯。 我地由台北車站直接坐的士去，好快就到。肥前屋係橫街入面，架的士直接車我地到門口，所以唔洗搵，不過黎到已經見到好多人排緊隊。

今日嘅行程主要係去九份同埋基隆夜市，九份上次有去過，不過基隆夜市就係未去過嘅新景點。朝早起身之後先去西門町嘅鴨肉扁食早餐。 食完早餐先去台北車站買去瑞芳嘅火車飛，因為中午12點先有自強號列車去瑞芳，所以仲有時間係台北車站上面新開嘅微風台北車站(商場)行下。

係陽明山睇完櫻花之後，又坐公車去返捷運劍潭站，然後坐捷運去下一個目的地：淡水。淡水上次都有去過，今次又係重遊。

台灣由1月尾至3月係櫻花季節，雖然冇日本咁多咁靚，但一場黎到都想去睇下，所以今日行程主要係上陽明山賞花。 之前做左功課，以遊客黎講上陽明山最方便係先坐捷運到劍潭站，再坐紅5或260號公車上山，公車站就係面向士林夜市果邊嘅捷運站旁邊。

試過永康牛肉麵之後，我地去左忠孝新生站一帶行下，因為係星期日，所以亦去左附近嘅希望廣場，睇下台灣農產品，主要都係一D米同生果之類，冇咩特別，而且攤位亦唔多。 跟住去左食東區粉圓。 之後返西門町行下，買左少少手信返酒店。

第2日上午去又係一輪食食食，未食之前先去左位於中正紀念堂與永康街之間嘅東門外市場，不過冇咩睇。

繼2007年之後，2009年三月又去左第二次台灣，今次只係去台北hea五日，基本上都係去返上次去過嘅地方。其實呢次行程應該係北海道之旅之前寫完post出黎，不過因為工作關係未有時間，而之後又提唔起勁寫，所以一拖再拖。而家趁住剛剛寫晒首爾聖誕之旅嘅餘興，順便補返呢次台北之旅嘅網誌。